Međimurci su si navek bili dobri z Hrvoti...
11.04.2009., subota
Srečen Vuzem sima kaj ga slavite...
|
Međimurci i si ostali kaj tu i tam čitate ove naše čitabe, želimo vam sima, kaj ga slavite - Srečen Vuzem... |
- 19:52 - Komentari (1) - Isprintaj - #
12.02.2009., četvrtak
Kaj pak smo mi meje vredni?
|
Ve jen den na televiziji gledim Večerju za 5, i gda tam vidim jenoga Međimurca...to je bilo lepo za videti, kaj i mi moremo jemput biti na televiziji... ...i još lepše, te Međimurec je i govoril po međimurski, makar se snimalo v Reki...i još je pozval na kraju i naše mužikaše, štero so zapopevali međimurske popevke... ...i se je to jako lepo i on je to jako lepo napravil...saka mu čast na tome... ...ali - kaj sam jo ve štel s tem sem reči je - tam je bila i jena baba, šteri je `vak i onak nikaj ne bilo po volji i ona je povedala, da kaj je on opče mel dopeljati to nekaj svojega, da kaj on oče... ...jena mlajša puca je rekla kak joj je bilo jako lepo se to...i njoj saka čast.. ...ali ve bi jo vas štel pitati, da kaj ova baba oče? Da su tam bili nekši Dalmatinci, šteri bi dopeljali nekaj svojega, ta baba sigurno nikaj nebi mela za reči, nego bi rekla da kak je to lepo... Kaj to znači da vu ti Horvacki sam "kaj" nesmeš reči, da se sam naša reč mora skrivati i da mi moramo biti stiha kak kustura v torbi? Kaj je to ne sramota? |
- 15:06 - Komentari (1) - Isprintaj - #
01.12.2007., subota
Što pa bo na nas mislil?
|
Izbori so minoli. I što bo ve mislil na nas. Koga gut deli na vlost, Međimurci bodo navek zodja lukja na svirali. Tak je to bilo navek. Prvi precednik države Horvacke je išče zdovja rekel da je Horvacka sam do Drove, onda su ga odzodi potegnoli za rukov, pa se predomislil i rekel da je do Mure, ali so se si od onda do ve ponošali rom onak kak je precednik rekel. Kak da je Horvacka do Drove dok tre nekaj dati nekam, ali dok tre jemati, onda je Horvacka do Mure. Navek je sim državnikima bilo lepo dojti v Međimurje, fino se najesti, reči kakšo lepo reč i onda čim so prešli prek Drove pozobiti kaj so predi povedali. I čemo se mi ve nodjamo? Dobili smo veleučilište. To je lepo. Naj se Međimurci školujo, ali bilo bi pametne da so nam doli nekaj čega ga ne več v Varaždino. Od toga bi valda meli več koristi, jer nam je Varaždin ionak pod nosom. Ali ne bitno kaj je ve to pitaje, bitno da se se nekam gible. Imamo i to novo bolnico, štero so nam šteli zaprti, ali so jo ipak ne. Kaj rom nemo morali v drugo županijo za sako sitnico. A zno morti što kaj bodo ve napravili z tom našom kasornom? Povedali so tulko toga, ali mi več ne znamo komu kaj vervati... Izbori so minoli, pa bo ve došlo na porvšino ono kaj so stvarno mislili...valjda... Bojte dobri... |
- 22:53 - Komentari (3) - Isprintaj - #
23.10.2007., utorak
|
Bog daj dobri ljudi!! Evo ne smo se neko duže vreme javili jer smo meli nekše obaveze,al vam obećajemo ve da se takse stvari neju vec događale. Evo malo smo prekopavali po međimurksim knjigama i našli smo jednu zanimlivu toblico štero bi vam šteli pokozati. Toblica govori o međimurskomo stanovništvo i jihovoj naobrazbi.. Mi bomo vam ve tu tabelu deli gori pa onda vi sami zaključite kakšno je v međimurju s(t)(r)anje. Zotemi podatki mi smo ne baš preveč zadovolni a vi bote to sami prosudili, zoto čokamo vaše komentare i nejte zabiti da nam morete slati mejla šteri vam je tam gori v škatuli napisani..fala!! Stanovništvo Međimurja staro 15 i več let po završenoj školi 2001. leta. 0.02 % doktorat 0.11% magišterij 3.54% Fakultet, vsevučilišni študij i akademije 2.85% Višeša škola, stručni študij,1.stupanj fakulteta 44.82% Sredja škola 30.12% Osnovna škola 13.28% Od 4-7 razreda osnovne škole 3.21% Od 1-3 razreda osnovne škole 1.26% Brez škole 0.78% nepoznoto |
- 13:13 - Komentari (1) - Isprintaj - #
16.09.2007., nedjelja
Mesta v Međimurju
|
Čakovec Ivanovec (Vanovec) Krištanovec Mačkovec Mihovljan Novo Selo Rok Pribislavec (Prslovec) Savska Ves Slemenice Strahoninec Šenkovec Kuršanec Novo Selo na Dravi Šandorovec Totovec Brezje Dragoslavec (Dragoslovec) Frkanovec Knezovec Lopatinec Mali Mihaljevec Okrugli Vrh (Krogli Vrh) Pleškovec Vučetinec Zasadbreg (Zosadbreg, Zosade) Belica Dekanovec Gardinovec (Gordinovec) Novakovec Domašinec Turčišće (Torčišče) Celine Podturen Sivica Donja Dubrava (Dobrava) Donji Vidovec Kotoriba Donji Mihaljevec (Dolji Mihaljevec) Sveta Marija Držimurec Mala Subotica (Sobotica) Palovec (Polovec) Strelec Sveti Križ Štefanec Orehovica (Revica) Podbrest Vularija Mursko Središće Štrukovec Bukovec Donji Koncovčak (Dolji Koncovčok) Merhatovec Plešivica Praporčan Selnica Zaveščak Zebanec Donji (Zebanec Dolji) Zebanec Gornji (Zebanec Gorji) Zebanec Selo Brezovec Čestijanec Gornji Koncovčak (Gorji Koncovčok) Gradiščak Grkaveščak Hlapičina Jurovec Kapelšćak Lapšina Marof Sveti Martin na Muri Vrhovljan Ferketinec Gornji Kraljevec Križovec Miklavec Peklenica Vratišinec Žiškovec Črečan Gornji Hrašćan (Gorji Hroščan) Macinec (Mocinec) Trnovec Dunjkovec Gornji Kuršanec (Gorji Kuršanec) Nedelišće Pretetinec Pušćine Slakovec Donji Kraljevec Čukovec Draškovec Hemuševec Goričan (Gorčen) Donji Hraščan (Dolji Hroščan) Hodošan Cirkovljan Prelog (Prilok) Čehovec (Čovec) Oporovec Otok Donji Pustakovec (Dolji Pustakovec) Palinovec (Polinovec) Sveti Juraj u Trnju (Sveti Đurđ) Badličan Bogdanovec Dragoslavec Breg (Dragoslovec Breg) Dragoslavec Selo (Dragoslovec Selo) Gornja Dubrava (Gorja Dubrava) Gornji Mihaljevec (Mihalovec) Martinuševec Preseka Prhovec Tupkovec Vugrišinec Vukanovec Banfi Grabrovnik Jalšovec Jurovčak Leskovec Prekopa Robadje (Robodje) Stanetinec Sveti Urban Štrigova Železna Gora ( ) - Tak to veliju oni ki tam živijo. Či imate išče štero međimursko ime za pojedino mesto, slobodno napišite, a mi bomo to deli gori. Fala. Zvir: uprava.hr Joko nam je žal, ak je slučajno štero mesto ne tu na ovi listi, ali to smo ne mi krivi, nego administrativci šteri su delali to listo. Mi radi verjemo kaj bote nas razmeli, jer je to ne naša falinga. Fala vam. |
- 10:30 - Komentari (3) - Isprintaj - #
06.09.2007., četvrtak
|
Z veseljem sam ga sadila Z srečom okopavala Hodala ga z dragim glet V kalamperov ruzni cvet Tu smo se mi ljubili Naša srca združili KUPITE KALAMPER... |
- 07:36 - Komentari (0) - Isprintaj - #
03.09.2007., ponedjeljak
Tak bi to povedali naši stori...a mortik i mlodi...:)
|
Srečen sam kak pajcek v cekeru... Srečen sam kak drek v trovi... Ki tje vera? Flisnul bom te kaj boš se v zroku zuval... ...letel je kak angel, opal kak vrok. Ve pa bu tre hititi puške v kuruzu. ...piješ kak smuk. ...smrdiš kak thorec. Međimurci su si navek bili zdobra z Hrvoti. Boj stiha kak kustura v torbi! Kaj glediš kak miš z posej? Kaj gledati kak tele v nova vrota? Daj se ne zbincovli kak kobila! Pameten si kak sto norih! Imaš glovo sam kaj ti dešč ne curi v želodec. Kaj zastečeš? Tak si kak lovinski pes. Viš vroga de drva žoga. dreku si plusku dal (j.v.-hvala) trdi si kaj bota (hvala fico) |
- 18:47 - Komentari (9) - Isprintaj - #
27.08.2007., ponedjeljak
Vrnuli smo se z urlauba...
|
Vrnuli smo se z urlauba i ve bomo se pomočili kaj bomo vam išče bojši, lepši i pametnejši... ...v Međimurju je saki den se več toga novoga...al meni je od sega najlepše to kaj se obnovljajo zidine Storoga groda v Čakovco... ...mislim da je bilo vreme kaj se to zrihta i lepo je kaj to ve zgledi rom onak, ajnc-a...kak se šika... ...nodjam se da buju s tem išli do kraja... ...kaj je išče takšega...od da smo ne pisali je bilo i Prcinkulovo...lepo je kaj je i to sako leto se vekše i lepše... ...taki bomo tu i z novimi temami z međimurske hištorije, do onda se zmagadite malo i bojte dobri... Živeli Međimurci jezero let! |
- 20:03 - Komentari (1) - Isprintaj - #
18.07.2007., srijeda
Bog daj...
|
Dobri ljudi, ki tu i tam prešpancerate miša po ovi strani, radi bi vas, išče jampot, napotili na ovu škatulo polek, v šteri piše adresa našega E-majla... prosili bi vas , ak imate kakše podatke, za štere mislite da bi jih se splatilo deti tu gori, kaj nam jih slobodno pošlete, a mi bumo vas napisali kak zvir za te podatke... Fala vam v naprej. Jen od takših interesantnih podatkov je i to kaj je Međimurje, prvo v Hrvacki melo železnico... 24. aprila 1860. otprta je štreka z Pešte proti Trstu, čiji je del išel črez Međimurje. To je bil falat Kotoriba-Čakovec-Mocinec. Tak da dok dojdete bilo da na kakše druge podatke, morate znati da su oni ne točni. Prva železnička stanica v Hrvatskoj bila je v Kotoribi, a ne v Zagrebu, kak piše v pojedinim knigam z historije, štere se išče nucaju po školama... |
- 22:41 - Komentari (2) - Isprintaj - #
10.07.2007., utorak
Dr. Rudolf Steiner
Denes bumo pisali o jenomu čoveku, šteri je ne Međimurec, ali je rođeni v Međimurju, točneše v Doljemu Kroljevcu. To je dr. Rudolf Steiner, denes svecki poznati čovek, po tome kaj je fčehnul temelje svecki poznatoj Waldorfskoj pedagogiji i po još hajdi toga. Se to morete prečitati tu cpot. ŽIVLEJE I DELO Rudolf Steiner rođeni je 27. februara1861. v Doljemu Kroljevcu (rodno mesto je posle, v svoji filozofiji, del kak mesto štero je spona med istokom i zapadom). Japa mu je bil telegrafist na železnici, ali je mali Steiner v Kroljevcu živel sam prvih šest meseci svojega živleja. Steiner se čudaj selil, ali je, kak smo več napisali, navek jako cenil svoje rodno mesto. Ne je bil odgojani v religijskomu duhu, tak da mu je prva zanimacija bila tehnika, šteru je posle mel za najvekšega neprijatela. V Realku je išel v Bečkomu Novomu Mestu (Wiener Neustadt). Od četrnajstoga leta se som zdržovle i to tak kaj je daval inštrukcije ostalim đakima. Tak se zdržoval do 29. leta. Posle se školoval na Visokoj tehničkoj školi v Beču, de ga je docent Julius Schroer fpotil v Goetheovo delo, kaj je ostavilo troga na njegovo celo daljnje živleje. Išče za vreme školovaja je pisal o Goetheovim nepoznotim prirodno-navučnim delima. Od 1885.-1889. živel je pri jeni familiji v Beču, de je kak hižni navučitel, prevzel odgoj jihovoga deteta, štero je betežalo od hidrocefalusa - dete je potli završilo Medicinskoga fakulteta. Od 1890. - 1896. dela v Goethe-inštitutu v Weimaru, kak istraživoč jegovih prirodno-navučni dela. Polek toga kaj je izdoval dela o Goetheovoj teoriji znanja, delal je i na svoji "Filozofiji slobode", štero je temeljil na vezi med osetilnim i nadosetilnim, med etiko i estetiko - to delo mu je zišlo 1894. V Weimaru se upoznal i z Nietzscheom, v šteromu je prepoznal svojo srodno dušo - čoveka, šteri pozna so tragičnost živleja. 1897. se preselil v Berlin, de je do kraja doživel nadosetilni svet. Močilo ga je pitaje: "Kaj, moram čkometi o semu?" Svoje poruke je svetu pošiljal na čudaj načini - bil je režiser, pisal je za novine, bil je docent na Radnički akademiji... 1899. je prvi pot mel predavanje v Teozofskome udružeju - v teozofiji je našel protitežo tehniki. 1902. se prvi pot javno teozofski očitoval v društvu Giordano Bruno, z šterim je potli raskinul, radi čudaj razlogi (sektički karakter društva, nepriznovaja jedinstvenoga dolazka Jezuša Kristuša...). Med 1902. i 1909. v delima Teozofija, Kak steći spoznajo viših svetov i Tajna navuka dela na svoji koncepciji - antropozofiji. Nekak v isto vreme razvija i svojo Kristologijo, štera spuščaje Jezuša Kristuša na Zemlo drži za jedinstveni kozmički moment. V drugi fazi razvoja antropozofije (med 1910. i 1916.) se bole posvetil umetnosti - štera v velikoj meri dela kaj je duša živa. Napisal je štiri misterijske drame, v Dornachu je delal Goethenaum (1914.), ali su mu ga vužgali 1924. Razvijal je Sprachgeltung - tehniko spominaja i govoreja za navučitele i glumce. 1918., posle rata, dok je Nemačka bila v krizi, on je ponudil svojo idejo o Tročlanosti društvenoga organizma: - jednokost (garanterana od države) - bratstvo (ekonomija) - sloboda (navuka). 1919. je odustal od toga programa, jer je videl da je v ondašnji Nemački to bilo neostvarivo i onda se posvetil otpiraju školi, vtemeljenih na jegovi Waldorfski pedagogiji. Polek toga je držal tečaje doktorima, a razvil je i svojo Heilpedagogie - za duševne betežnike. Išče 1923. na evropski konferenciji je rekel da krave ponoriju, či jeju meso. 1924. je održal poljoprivredni tečaj, šteri je temelj denešje biološko-dinamičke poljoprivrede. Hmrl je 30. marcijuša 1925. v Dornbachu, posle 6 meseci dugoga betega. Zagovorjal je radikalno mejanje čovekovoga odnosa proti prirodi, ali i proti sebi somomo. Napisal je prek 400 knigi, članki i eseji. Jegovo ime nosi prek 800 waldorfskih školi po svetu. Hitler ga je ne mel rad - protivil se disciplini. Komunisti su ga ne meli radi - jer je rekel da je duhovno nad materijalnim. Cirkva ga je ne mela rada - zagovorjao je jedno, jedinstveno religijo, štera bi spojila vrednosti istoka i zapada. O antropozofiji i waldorfski pedagogiji bumo več napisali drugi pot. Zviri: 1. donjikravljevec.hr 2. antropozofija.hr |
- 10:23 - Komentari (14) - Isprintaj - #
Travanj 2009 (1) Veljača 2009 (1) Prosinac 2007 (1) Listopad 2007 (1) Rujan 2007 (3) Kolovoz 2007 (1) Srpanj 2007 (4) Dnevnik.hr |
|||||||||||||||||||||||||||||||||||||||||||||||||
|
E-majl na šteri nam morete pisati
medmuromidravom@net.hr Prosili bi vas, či imate kakše zvire - linke, tekste ili bilo kaj slično, z podatkima o Međimurju, o mestima, običajima i slično, kaj nam jih slobodno pošljete na of E-majl gori. Mislim da bi bilo lepo da pošlete nekaj o svoji fari, pa da se saki tjeden, dok je v pojedini fari proščeje, napiše nekaj o toj fari. Fala. Ovoga bloga delaju z skupnim trudom:  Tomy i  Klaudio Ve si vi mislite šteri od nas je grši.... 
Međimurske popevke
Fala Božek za Međimurje (Gusti Draksar) da Božek svet je podelil sakomu nekaj je dobroga dal drogi se Božek joko zmočil pak je rekeo: malo bi spal. još Božek je oči ne sklopil ili si prespao bar kratek čas još je prav nit ne zadremao da na jenput začuje glas bez zomere Bogek moj drogi znam da si truden i da bi spal kak dete tvoje sam bi te pital a meni Bogek kaj meni boš dal ja čovek sam mali, dober i pošten i to kaj mi doš to si bom zel kakšni potok zemlicu trsek moj drogi Bogek to bi ja štel videl je Božek da čovek je pošten da srebra i zlata si on ne želi nek zemlu i posel on išče pak Božek njemu ovak veli: još jeden imam komad zemle najlepši na svetu kaj zase sam zbral vsrcu ti vidim čestit si čovek nebu mi krivo bom ti ga dal lefko ga najdeš kak raj je lepi med Murom i Dravom tam ti leži de čuješ ftičju najlepšu popevku Međimurje to je, tu doma buš ti srce ti dojem još i ovo bodi sakomu čoveku brat bodi ponos svojega roda Međimurec bodi, bodi Hrvot razmel je čovek tej novok božji suzu je spustil jer vesel je bil još denes tu orje, seja i kopa svoje je lice pred nikim ne skril Međimurci drogi nejdite preveč v strajnski svet bodite doma, tu tak je lepo živeli Međimurci, jezero let šest let dni je minulo nesam bil v Medimurju bil sam v ruskoj zemlici šest let je vu žalosti bil sam v ruskoj zemlici šest let je vu žalosti mrzli vetri zima je saki fticek srmzel je ki god vuju doleti nebre nit popevati ki god vuju doleti nebre nit popevati v noči mi se sejalo da sam bil v Međimurju vjutro sam se prebodil isče sam v rusiji biv vjutro sam se prebodil isče sam v rusiji biv nedaj vam Bog probati niti pak doživeti nedaj vam Bog probati to tožnu sibiriju nedaj vam Bog probati to tožnu sibirijU Božeku se molila moja stOra majčica ksebi me dozivala z mojega Međimurja ksebi me dozivala z mojega Međimurja živ mi dojdi sinek moj dojdi k svoji dečici kaj se nabum plakala kak za tvega japeka kak za našeg dedaka ki spi v ruski zemlici Međimurje malo, zemljo milena (narodna) Međimurje malo, zemljo milena, tu je moja domovina, gdje me majka rodila. Tu mi Bože živjet daj, tu je moga srca raj. Posred Međimurja potok Trnava, kraj potoka raste ruža, potočnica plavetna. Od sjevera leži vinogradski kraj, a sa juga ravno polje tu je mili zavičaj. A kad jednom dođe mom životu kraj, zbogom ostaj Međimurje, moj premili zavičaj. Da nam pak dojde to vreme(narodna) Da pak nam dojde to vreme da pemo mi v Međimurje, da pemo mi v Međimurje de rastu katruže. Lepe su lepe, lepe katruže išče su lepše devojke, išče su lepše devojke ke beru jagode. Jagodice si bereju koje golobe imaju, koje golobe nemaju žalosno živiju. Lepi je lepi zelen bor išče je lepši golob moj, išče je lepši golob moj ki je v Međimurju. Ljubav se ne trži(narodna) Ljubav se ne trži niti ne kupuje, ljubav se ne trži niti ne kupuje. Ko ljubiti ne zna, ko ljubiti ne zna naj se ne hapljuje. Če je ljubav v srcu istinska il prava, če je ljubav v srcu istinska il prava, z njega ju ne spere, z njega ju ne spere, Mura niti Drava. Kad ja, draga, vidim tvoje joči črne, kad ja, draga, vidim tvoje joči črne, ljubav vu mom srcu, ljubav vu mom srcu, nigdar ne vutrne. Međimurje, kako si malo zeleno(narodna) Međimurje, kak si lepo zeleno, cvetićem si ti meni ograjeno! Međimurje, kak si lepo zeleno, cvetićem si ti meni ograjeno! Tu me moja draga majka rodila, tu me ona prva v'cirkvu vodila! Boga molit, bližnjeg ljubit vučila, Boga molit, bližnjeg ljubit navčila! Kinčiju te Dravica i Murica, se do kraja maloga Međimurja! Međimurje, kak si lepo zeleno,... Međimurski lepi dečki(narodna) Međimurski lepi dečki vu širokaj gačaj, svetle čižme, črne sare, to jim dobro paše. Več petnajst let sam dovica, zamuš nemrem iti, em sam išče ne tak stara v pedesetom leti. Saki večer nekaj pečem morti pak što dojde; otprem bloka, vun poglednem, saki mimo projde. Ja sam pak ti stari dečko, štel bi se ženiti, makar si ti v pedesetim, moja moraš biti. Međimurski lepi dečki vu širokaj gačaj, svetle čižme, črne sare, to jim dobro paše. Nigder lepše kak je vu Međimurju(narodna) Nigder lepše kak je vu Međimurju kam se zglednem ružice mi cveteju. Med ‘vim cvetjem samo jedna ružica, poglej, pajdaš, to bo moja grlica. Vu vrčaku tulipani sve na red, hodi, pajdaš, idemo je mi dva glet. Ftrgni, pajdaš, tulipansku kiticu, pak pozdravi moju dragu grlicu. Živec kamen moral bi se kalati da je počel junak premišljavati. Na ‘vim svetu nemam nigder nikoga, nemam majke niti oca živoga. Oca mi je hladna voda vmorila, majku mi je črna zemlja pokrila. |
|||||||||||||||||||||||||||||||||||||||||||||||||